Почетокот на јануари ќе донесе пониски температури и снег во поголем дел од регионот, а по 5 јануари постои можност за поизразен студен бран, најави метеорологот Марко Чубрило.
До крајот на годината се очекува променливо облачно и умерено студено време, со ретки снежни врнежи, главно во планинските предели. Почести врнежи од снег се можни на 31 декември, со утрински температури до -7 и дневни до 5 степени. На почетокот на 2026 година времето ќе биде постудено и суво, а околу 3 јануари се прогнозира нов студен фронт што може да донесе снег, особено во централните и источните делови на регионот. По 6 јануари можно е ново влошување со дополнителни снежни врнежи и силни мразови во планините. Метеорологот посочува дека прогнозите може да се менуваат и препорачува следење на официјалните метеоролошки служби.
