Руската пошта ја прекина копнената достава на поштенски пратки во пет земји, вклучувајќи ги балтичките држави, Словенија и Хрватска, соопшти поштата на својата веб-страница.
Доставата со авион во овие земји продолжува.
Прес-службата на Руската пошта изјави за Тас дека не се запознаени кога повторно ќе биде воспоставена копнената достава.
Странскиот партнерски превозник ја известил Руската пошта дека „ќе ги пренесува пратките таму само со авион“, додаде прес-службата.
Руската пошта го продолжи приемот на меѓународни поштенски пратки за Република Конго, Сомалија и Чад.
