Од 25 до 27 декември, Корзото во Ѓорче Петров ќе биде домаќин на новогодишен базар, кој ќе понуди празнична атмосфера со музичка програма, гастрономска понуда и забава за сите генерации. Во рамки на „GRIN-G Winter Street Festival“, посетителите ќе можат да уживаат во настапи во живо на 25 декември од 17 до 20 часот ќе настапи бендот „Контра План“, а на 26 декември од 17 до 21 часот „Куку Леле“.
За најмладите е предвидена специјална програма во сабота, на 27 декември, од 10 до 13 часот. Организаторите најавуваат три дена исполнети со празничен дух, дружење и зимска магија.
