Денес, на Клиниката за ТОАРИЛУЦ во Скопје, за прв пат во Македонија е изведена операција со навигациски систем за тотална протеза на колк.
За прв пат во Македонија денес беше изведена операција со навигациски систем за тотална протеза на колк. Операцијатта се изведе на клиниката за ТОАРИЛУЦ во Скопје од страна на Д-р Макридис Константос од Грција, Д-р Игор Мерџаноски, директор на ТОАРИЛУЦ, раководителот на ортопедијата и тимот на клиниката. За време на интервенцијата се користеше компјутерска навигација, која овозможува прецизно поставување на протезата со 3D визуелизација на колкот во реално време.
Покрај хирурзите, лекари и помошен персонал се едуцираат за користење на навигацискиот систем, што овозможува широка примена на оваа технологија во иднина.
