Земјотрес со јачина од 4,5 степени според Рихтеровата скала е регистриран вечерва во 23:07 часот во Јадранското Море.
Потресот силно се почувствувал во поширокото подрачје на Дубровничко-неретванската жупанија, како и во делови од соседна Херцеговина, јавуваат граѓани.
Според податоците на Европско-медитеранскиот сеизмолошки центар, хипоцентарот на земјотресот се наоѓал на длабочина од околу 10 километри под површината на земјата. Засега нема информации за причинета материјална штета или повредени лица.
