Европската банка за обнова и развој (ЕБОР) објави дека годинава ја достигнала пресвртницата од над 10 милијарди евра инвестиции во Србија од 2001 година, преку речиси 400 проекти. Во соопштението се наведува дека ЕБОР финансирала инфраструктурни и јавни проекти во Белград, меѓу кои мостовите Газела и Ада, подобрување на комунални услуги, енергетска ефикасност на јавни згради, како и јавно-приватните партнерства за аеродромот и постројката за отпад-во-енергија во Винча.
„Многу сме горди на оваа пресвртница и бројните влијателни проекти во текот на годините…“, изјави Матео Коланџели, регионален раководител на ЕБОР за Западен Балкан, додавајќи дека Банката последните три години го зголемува обемот на работењето на околу 800 милиони евра годишно.
„Планираме да продолжиме да го прошируваме нашето присуство во земјата, помагајќи да се забрза растот, да се зголеми конкурентноста и да се поттикне отпорна и одржлива економија.“ – додаде Коланџели.
