Иако попладнево од кабинетот на претседателот на законодавниот дом Африм Гаши информираа дека до Собранието е пристигнат предлогот за новите министри од ВРЕДИ, сепак како што дознава 24Инфо тој не е пристигнат до пратениците.
Засега не е познато ниту кога предкогот ќе биде ставен на дневен ред за гласање во Собранието.
Новите министри треба да дојдат на местото на Изет Меџити, кој беше прв вицепремиер и министер за животна средина и просторно планирање до неговиот избор за градоначалник на Општина Чаир, како и на министерот за европски прашања Орхан Муртезани.
Поранешниот владин портпарол Мухамед Хоџа е предложен за министер за екологија, а актуелниот пратеник и поранешен министер за здравство Беким Сали треба да го замени Орхан Муртзаани, кој се очекува да биде разрешен на следната собраниска седница.
За денот на одржувањето на седницата за избор на новите министри, Собранието ќе информира дополнително.
