Повеќе од 600.000 луѓе завршија без елетрична енергија во Украина по руските напади. Руските напади со ракети и беспилотни летала започнаа синоќа и продолжија утрово, соопшти украинското министерство за енергетика.
Според информациите од Министерството, повеќе од 500.000 потрошувачи во Киев и повеќе од 100.000 во регионот околу главниот град останале без струја утрово. Дополнително, речиси 8.000 жители во регионот на Харков се погодени од прекинот на снабдувањето со електрична енергија.
Министерството потенцира дека нападите продолжуваат, а ситуацијата со снабдувањето со електрична енергија останува тешка во погодените области.
