Кина ќе спроведе голема инспекција на стандардите за почитување на противпожарната безбедност во високите згради низ целата земја.Ова следува по пожарот во Хонг Конг кој одзеде најмалку 128 животи. Се преземаат мерки за да спречи уште една слична катастрофа во земјата, јавија светските агенции.
Мораме да го зајакнеме управувањето со противпожарната безбедност за ефикасно да ги заштитиме животите и имотот на луѓето, соопшти Министерството за управување со вонредни состојби на Кина.
Комитетот за труд на Државниот совет издаде наредба до локалните самоуправи да ја започнат инспекцијата.
Локалните власти мора да спроведат темелни инспекции и да преземат итни корективни мерки кога ќе се идентификуваат безбедносни ризици. Ќе се преземат строги мерки против сериозни прекршувања, а оние што нема да ги отстранат големите безбедносни ризици ќе бидат повикани на одговорност, соопшти Министерството.
