Фалсификувани банкноти се појавија на популарен пазар за употребувана роба во Комарно, јужна Словачка, а полициската истрага доведе до мајка и нејзините две возрасни деца. Според извештаите, парите биле набавени преку апликацијата „Тему“ од Кина, објави Новини.ск.
Инцидентот се случи во недела, во непосредна близина на градската полиција, кога 70-годишната продавничка била шокирана откако еден клиент ѝ платил со фалсификувани евра за купените производи.
Властите наскоро ги идентификуваа 49-годишната Марија, нејзината 22-годишна ќерка Ержебет и 19-годишниот син Марио. Тие преку мобилна апликација нарачале 400 фалсификувани банкноти од 20 и 100 евра. Банкнотите биле со иста големина како оригиналите и дури намерно оштетени за да изгледаат автентично.
Иако банкнотите имаа отпечатен натпис „КОПИЈА“, Марија и нејзините деца успеале да ги користат на пазари, во продавници и за плаќање на такси. Полицијата заплени 16 банкноти, вклучително и некои што веќе биле ставени во оптек, а според Марија, останатите биле изгорени.
Изјава од „Тему”
„Тему“ не дозволува продавачи од трети страни да објавуваат производи што не се во согласност со важечките закони и прописи. Ние постојано ги следиме објавите и преземаме мерки секогаш кога ќе се идентификува потенцијален проблем.
извор: 4NEWS.mk
