Пред почетокот на 24. состанок на Мешовитиот парламентарен комитет РСМ – ЕУ во Европскиот парламент во Стразбур, копретседавачката Иванка Василевска и заменик-копретседавачката Соња Мираковска остварија средба со известителот за Северна Македонија, Томас Вајц.
На средбата беа разменети мислења за актуелните случувања во земјата, реформската агенда, Извештајот на Европската комисија и очекувањата од претстојниот состанок.
Василевска изрази благодарност за напорите на Европскиот парламент и Вајц, истакнувајќи дека сите релевантни политички фактори во земјата се посветени на европската цел. Известителот Вајц ја потврди силната и недвосмислена поддршка на Европскиот парламент за евроинтеграцијата на Северна Македонија, заснована на постигнатите резултати и соработката.
