Претседателот на Украина, Володимир Зеленски ги разреши министерката за енергетика Свитлана Гринчук и министерот за правда Герман Галушченко од Советот за национална безбедност и одбрана на Украина.
Претходно, Гринчук и Галушченко поднесоа оставки од функциите поради истрагата на Националното биро за борба против корупцијата на Украина (НАБУ) за злоупотреби во енергетскиот сектор.
Советот за национална безбедност и одбрана на Украина е составен од членови на Владата, директори на тајните служби, генералниот обвинител, директори на Централната банка и претседател на Националната академија на науките на Украина. Советот го води украинскиот шеф на државата, додека секретарот се занимава главно со организациски задачи и директно го известува претседателот.
Врховната рада на 18 ноември ќе расправа за отстранување на двајцата министри од функцијата.
