Лидерката на ЛДП и пратеничка во македонското Собрание, Моника Зајкова на социјалните мрежи реагира на недостигот од тумор маркери и делови од терапијата на онколошките пациенти.
Додека за многу други работи институциите наоѓаат начин да договорат набавка и без тендер за јавна набавка, онколошките пациенти мора да чекаат долги административни постапки за најосновното – тумор маркери и делови од терапијата.
Веќе со месеци укажувам на овој проблем за денес конечно јавно да излезе и Министерството за здравство. Итни законски промени на итна седница, за здравствениот систем да може навремено да одговори на потребите на пациентите. Животот на пациентите не смее да зависи од бирократија!“ вели Зајкова во објавата.
