Двете лица уапсени во врска со нападот со нож врз возот се родени во Велика Британија, соопшти Британската полиција, цитирана од ДПА.
Тие се на возраст од 32 и 35 години. Тие беа приведени откако возот од Донкастер до лондонската станица „Кингс Крос“ беше запрен на станицата Хантингдон.
Полицијата смета дека нападот не бил мотивиран од терористички побуди. Две лица остануваат во опасност по нивните животи по крвопролевањето во брзиот воз.
Во нападот девет лица се здобија со повреди и се во животозагрозувачка состојба, изјави денеска британскиот министер за одбрана Џон Хили.
