Додека камапњата за локалните избори е во полн ек, додека се редат проектите и програмите на кандидатите за градоначалници, 24инфо.мк заедно со познатиот водител Марко Новески направи малку поинакви интервјуа со кандидатите за градоначалници.
Овој пат разговараме со дел од кандидатите за градоначалници на општина Аеродром а прв е кандидатот од редовите на СДСМ, Александар Трајановски – Коска.
Во интервјуто Трајановски открива дека ако не бил доктор, тогаш сигурно би бил спортски коментатор, нешто за што мечтаел во детството.
Одговарајќи на прашањето кои три работи прво би ги направил за Аеродром како иден градоначалник Трајановски одговара дека тоа ќе биде чистење, зазеленување и зголемување на безбедноста во општината.
Трајановски ветува и дека како иден градоначалник ќе биде посветен на општината, на сите граѓани, ќе биде отворен за различни мислења и сугестии без разлика од кој поединец или партија да доаѓаат.
Во следната епизода на „Реално“ со Марко гостува кандидатот за градоначалник од ВМРО-ДПМНЕ и актуелен ВД градоначалник, Дејан Митески.
