,,Подлизуркото на ,Мицика’ – вечниот директор на ,независната’ Агенција за аудио и аудиовизуелни медиумски услуги, Зоран Трајчевски, сликан пред Белата Палата (седиштето на ВМРО-ДПМНЕ) со вмровскиот PR – стратег Бичиклиски! Вака ли ја договарате цензурата врз Левица?”, напиша денес во свој статус на социјалните мрежи, претседателот на Левица, проф. д-р Димитар Апасиев, поткрепувајќи го искажаното со фотографија на која јасно се гледаат Трајчевски и Бичиклиски, во разговор пред седиштето на Дпмне.
Ова е еден од доказите со кои Левица ја открива пред јавноста старо-новата врска помеѓу Зоран Трајчевски и ВМРО-ДПМНЕ.
Со овој статус, Апасиев посочува на тоа дека функционерите на ВМРО-ДПМНЕ ја нарушуваат независноста на медиумите во Македонија.
Според Апасиев, сликата на Зоран Трајчевски, долгогодишен директор на Агенцијата за аудио и аудиовизуелни медиумски услуги, заедно со еден од водечките PR – стратези на ВМРО-ДПМНЕ, Бичиклиски, пред седиштето на оваа партија, открива нови детали за блискоста на оваа институција со партиските интереси.
„Дали ова е доказ за нова форма на политичка и медиумска цензура во земјава? Дали овој состанок има за цел да го поттикне и зајакне притисокот врз Левица и нашите активности?”, прашуваат од Левица.
„Директните удари против Левица со медиумската цензура од страна на власта и притисоците се сè позабележителни, но ние нема да дозволиме да се замолчат нашите ставови и идеи, затоа што народот е на наша страна”, велат од Левица.
