СДСМ Аеродром остро реагира на скандалозниот чин во кој основното училиште „Браќа Миладиновци” сподели видео-спот од политичка кампања за локалните избори.
Ова претставува директно прекршување на законите, принципите на непристрасност и професионалност, и претставува срамно партизирање на јавните институции.
Училиштата се место за образование, воспитување и градење на вредности, а не алатка за партиска промоција.
Злоупотребата на училишните профили и, уште полошо, можната злоупотреба на деца во политичка кампања е крајно недозволива и опасна.
Бараме итна реакција од Министерството за образование и наука и од Државната изборна комисија.
СДСМ Аеродром ќе поднесе соодветна пријава до надлежните институции за да се утврди одговорноста и да се санкционира овој обид за партизирање на образовниот систем.
Јавните институции се на граѓаните, не на партиите. Ќе се спротивставиме на секој обид децата и училиштата да се користат како средство за политичка пропаганда.
