Голем дел од Скопје вечерва е без вода, а во останатите делови притисокот е значително намален, поради пукната водоводна цевка со дијаметар од 600 милиметри на улицата Франце Прешерн бр. 100Д во Влае.
Од Јавното претпријатие „Водовод и канализација“ – Скопје информираат дека водоснабдувањето ќе биде прекинато до завршување на работните активности.
Жителите од Влае за 24инфо велат дека екипи на претпријатието вечерва излегле на терен, го заградиле местото и констатирале сериозен дефект, но дека санацијата ќе продолжи утре поради недостиг на луѓе и машини.
Во моментов без вода се делови од Хром, Ѓорче Петров, Влае и Карпош, додека во Центар, Аеродром, Автокоманда и други населби е намален притисокот.
Од „Водовод и канализација“ засега нема официјална информација до кога ќе трае санирањето на дефектот.
