„На новинарско прашање дали се срами што е запалена депонијата Дрисла, министерот за внатрешни работи, Панче Тошковски, истакна дека оваа депонија се пали со години и дека тој од првите моменти е на терен и презема сѐ во своја моќ за справување со катастрофалните пожари.
– ‘Бев во Оризари кај едно дете загинато во пожарот во Кочани, па во Кочани запалив свеќи за секое дете кое загина. Од 16 часот сум овде и имавме состаноци со кризниот штаб, ЕБР, Специјалната единица, Противпожарната единица, Форензика, Крим техника… Преземам сѐ за да се справиме. Во контакт сме со домашни и меѓународни експерти. Дали ми е срам што работам за својот народ? Не’, изјави министерот Тошковски.
Тој додаде дека активностите на терен и координацијата со експертите имаат за цел целосно совладување на пожарите и намалување на ризикот по граѓаните.“
