Министерот за економија и труд, Бесар Дурмиши, во одговор на пратеничко прашање изјави дека: “Ад хок предлог за зголемување без економска покрепа и без да се направи анализа ќе направи директен притисок кај малите и средни претпријатија кои се столбот на економијата”.
Како последица на ова, дополни тој, ќе следи отпуштање на голем број работници, како и повторно зголемување на инфлацијата и пораст на цените кои ќе влијаат на социјалните случаи или сиромашните семејства.
Тој посочи дека предлогот на опозицијата предвидува минималната плата ад хок да се зголеми на 30 илјади денари и дека тоа не е изводливо без претходно да бидат исполнети потребните услови. “Првично имаме една формула како се одредува минималната плата – 50 проценти од зголемување на претходната плата и зголемување трошокот на животот претходната година”.
“Овој механизам е во склад со синдикатите, работнците и е еден кој е во практика и во Европа и кај нас. Ги штити работниците, обезбедува ги обезбедува интерсите и реалните капацитети на домашната економија”, рече Дурмиши, одговарајќи на прашањето на пратеничката од СДСМ, Јована Тренчевска, за зголемување на минималната плата.
Во државата, дополни тој, минималната плата е на средина споредено со европските држави. Според него, најниска минимална плата имаат Албанија, Србија и Бугарија.
Синдикатите и опозицијата со месеци бараат минимална плата од најмалку 500 евра, но за власта тоа е неприфатливо.
