Според податоците до 18:30 часот на 3 септември 2025 година, на територијата на Република Северна Македонија се регистрирани вкупно 17 пожари на отворен простор. Од нив, активни се 2 пожари, 4 се ставени под контрола, а 11 се изгаснати.
Активни пожари:
- Општина Долнени, села Ропотово и Рилово – зафатена мешана шума.
- Општина Липково, село Никуштак – гори деградирана нискостеблеста шума.
Под контрола се:
- Општина Долнени, помеѓу селата Долгаец и Стровија – нискостеблеста вегетација.
- Општина Гази Баба, депонија Вардариште – отпад.
- Општина Гевгелија, планина Кожуф – приземен пожар.
- Општина Македонски Брод, повеќенаменско подрачје Јасен – мешана шума.
Изгаснати се 11 пожари во општините Кичево, Македонски Брод, Илинден, Гостивар, Кривогаштани, Прилеп, Демир Хисар, Куманово и Старо Нагоричане, каде што беа зафатени стрништа, депонии, ниска вегетација и шуми.
Надлежните апелираат за внимателност на отворено, бидејќи голем дел од пожарите се резултат на човечка негрижа.
