Премиерот Христијан Мицкоски вечерва беше во посета на Делчево, каде што оствари средби со граѓаните и присуствуваше на концерт во рамките на проектот „Македонијо во срце те носиме“.
„Имав можност да разговарам со граѓаните и да ја почувствувам топлината и гостопримството на овој убав град,“ напиша Мицкоски на својот профил на Фејсбук.
Тој истакна дека концертот бил исполнет со прекрасни македонски песни кои ја носат во себе душата и идентитетот на народот. „Овој концерт е уште една потврда дека љубовта кон Македонија се чува преку песната, традицијата и заедништвото. Горди сме што македонската култура живее, се пее и се пренесува на новите генерации,“ порача премиерот.
„Македонија е во срцето на секој од нас!“ заврши Мицкоски.
