Голем пожар попладнево избувна во скопската населба Вардариште. Поради безбедносни причини, исклучени се далеководите кои ги снабдуваат со електрична енергија делови од Аеродром и Лисиче.
Директорот на Центарот за управување со кризи (ЦУК), Мухамед Али, информираше дека на терен интервенираат 13 пожарникари со 5 противпожарни возила.
„Екипите се уште се на терен и се прават напори пожарот да се локализира,“ изјави Али.
Жителите на овој дел од градот со загриженост ја следат ситуацијата, додека надлежните служби работат на спречување на ширењето на огнената стихија.
