Рускиот претседател Владимир Путин разговарал по телефон со своите колеги во средата пред евентуалниот самит со американскиот претседател Доналд Трамп.
Кремљ соопшти дека Путин ги информирал претседателите на Узбекистан и Казахстан по телефон за разговорите со специјалниот претставник на САД, Стив Виткоф, во средата. Двајцата колеги на Путин изразија поддршка за дипломатските напори за завршување на војната во Украина.
Според извештаите во белоруските и кинеските медиуми, рускиот претседател разговарал по телефон и со белорускиот претседател Александар Лукашенко и кинескиот претседател Си Џинпинг.
САД и Русија не објавија никакви информации за тоа какви предлози даде Виткоф во Москва за завршување на украинскиот конфликт.
Порано денес, италијански медиуми јавија дека Трамп ја прашал италијанската премиерка Џорџија Мелони дали би сакала Рим да биде домаќин на трилатерален состанок за војната во Украина. Првично, американскиот претседател предложи украинскиот лидер Володимир Зеленски, исто така, да учествува во консултациите. Мелони се согласи да биде домаќин на состанокот, јавија италијанските медиуми , но руски претставник денеска за руски медиуми изјави дека состанокот нема да се одржи во земја-членка на ЕУ, туку во Турција или Обединетите Арапски Емирати. Покрај тоа, Путин одби да се обврзе на состанок со Зеленски, наведоа италијанските медиуми.
