Во тешка сообраќајна несреќа за време на мотоциклистичка трка во Брно, Чешка, вчера почина познатиот македонски бизнисмен Душко Чифлиганец дознава 24инфо.
Чифлиганец беше заменик претседател на „Адора бизнис групација“ од Скопје и директор на Adora Living Solutions. Неговото име е поврзано со бројни успешни бизнис проекти, како и со активна поддршка на спортот и хуманитарни иницијативи.
Несреќата се случила за време на натпреварувањето, а според првичните информации, тој со својот мотор паднал и здобил тешки повреди на кои, за жал, подоцна им подлегнал.
Веста за неговата смрт остави во шок многумина во бизнис заедницата, спортските кругови и пошироката јавност во Македонија.
