Свежите прописи кои ја ограничуваат употребата на мобилни уреди во училиштата во Финска стапија на сила, непосредно пред почетокот на новата академска година.
Финска, позната по нејзиното висококвалитетно образование, забележа пад на ранг листата на Организацијата за економска соработка и развој (ОЕЦД) за 15-годишници во областите математика, наука и литература.
Во април, Финска усвои закон со кој се забранува употребата на мобилни телефони од страна на ученици на возраст од 7 до 16 години за време на часовите.
Оттогаш, телефоните и другите електронски уреди можат да се користат на час само за едукативни цели, како поддршка, од здравствени причини и со одобрение од наставникот.
На училиштата им е препуштено самостојно да одлучат како ќе ја спроведат забраната. Според последниот извештај на ОЕЦД, објавен во 2022 година, “41% од финските ученици изјавиле дека екраните на нивните телефони им го одвлекувале вниманието за време на сите или на повеќето часови по математика – значително повисок процент од просекот на ОЕЦД од 31%.”
