Соопштение за јавност на ВРЕДИ:
ДУИ е свесна дека поразот ѝ чука на врата. Знае дека народот не простува, дека времето на манипулации и лажни симболи завршува. Затоа овие денови сведочиме на крајно понижувачко и очајничко однесување, раздавање функции, позиции и поддршки на вчерашмите политички противници, само за да се создаде привид на некаква сила и да се оправда поразот што се приближува.
Албанците ја гледаат немоќта на ДУИ. Таа партија веќе нема свој идентитет.
ДУИ скоро и да нема свои кандидати. Освен двајца или тројца, се останато се туѓи имиња, туѓи ликови, туѓи проекти, туѓи партии.
До каде дојде ДУИ да оди на избори без свои луѓе! Да беше силна, ќе се соочеше со изборите со свој печат и со своја понуда. Да имаше добри луѓе, ќе ги кандидираше.
Но ДУИ ги нема ни едното, ни другото. Затоа секој ден гледаме незадоволства, оставки и отпори во нивните општински ограноци. Членството е изневерено. Наместо да бидат дел од решенијата, оставени се да се надеваат на милоста на Села и Таравари, истите тие што до вчера беа најостри критичари на ДУИ, а денес се нивни спасувачи.
Ова не е изборна стратегија, туку капитулација. Жално е до кое ниво дојде ДУИ.
