Денес избувнаа пожари на повеќе места по должината на автопатот Скопје – Тетово, а од она што го сними екипата на 24Инфо огнените јазици се опасно блиску до самиот автопат.
Токму поради тоа и има целосна забрана за движење по овој автопат, во двата правци, информираше првиот човек на Дирекцијата за заштита и спасување, Стојанче Ангелов, попладнево.
Во близина на автопатот, во општина Желино во моментов има силен пожар, а до граѓаните се апелира да не го користат овој патен правец.
За дополнителни информации, се препорачува следење на соопштенијата од надлежните служби.
