Врховниот суд на Република Северна Македонија во совет составен од судиите: м-р Катерина Георгиевска – претседател на советот, Беса Адеми, Владимир Стојаноски, Јелица Крстевска и Шпенд Деваја ги усвои ревизиите на Невена Спасеска по однос на пресудите на Основниот суд во Охрид и Апелациониот суд во Битола.
Со таквата одлука Вррховниот суд ги укинува пресудите на судовите во Охрид и Битола и ги враќа на повторно одкучување.
Советот во Врховниот суд констатирал дека има повреда на постапката и погрешна примена на материјалното право од страна на пониските судови во овој случај.
Според одлуките на Основен суд Охрид и Апелационен суд Битола, детето на Невена требало да биде доделено на таткото, а мајката да плаќа и алиментација.
Овој случај со месеци ја бранува јавноста откако мајката Спасеска јавно изнесе детали за тоа како селективно и тендециозно се водела постапката.
Случајот на Спасеска се најде и на седница во Собранието кога пратеничката Славјанка Петровска постави пратеничко прашање, по што добила и вербални закани по нејзината безбедност, а судијка поврзана со одлучување во предметот, била вербално нападната среде судење во судница.
За старателството на детето на Спасеска, сега повторно ќе треба да одлучува Основниот суд во Охрид.
