Одрони од земјиште и карпи се појавија на неколку делници од регионалниот пат Делчево – Македонска Каменица како резултат на обилните врнежи кои денес попладне зафатија дел од Пијанечкиот регион.
Најзафатени се коловозите после селото Очипала и околу месноста Баткова Чешма, каде одроните привремено се наоѓаат на самиот пат попречувајки го движењето на возилата.
-Екипите на јавното претпријатие за одржување патишта се на терен и интервенираат на местата каде има најголеми наслаги од земја и камења. Се работи интензивно за целосно расчистување во најкус можен рок“, информираат од надлежната институција.
Граѓаните кои се затекнале на патот апелираат за внимателно возење, а ризикот од нови одрони останува висок поради натопеното тло.
