Во Москва денеска е измерена температура од 34,6 степени Целзиусови, со што е соборен температурниот рекорд поставен пред 122 години, изјави научниот директор на Рускиот хидрометеоролошки центар, Роман Вилфанд.
Вилфанд за Интерфакс изјави дека рекордната температура е регистрирана во Москва денеска во 15 часот по локално време.
Тој наведе дека во 1903 година, во Москва бил забележан претходниот температурен рекорд од 34,5 степени.
Вилфанд напомена дека во наредните денови не се предвидуваат нови температурни рекорди, туку постепен пад на температурата.
