Градоначалничката на Лос Анџелес, Карен Бас, воведе полициски час во центарот на градот поради ескалација на протестите против заострувањето на имиграционите мерки од страна на претседателот Доналд Трамп.
На прес-конференција, таа соопшти дека е прогласена локална вонредна состојба и дека забраната за движење ќе важи од вторник во 20:00 до среда во 06:00 часот по локално време.
„Достигнавме критична точка“, изјави Бас, додавајќи дека 23 продавници биле ограбени. Мерката се однесува на површина од еден квадратен километар, каде што протестите се интензивираат од петокот.
Началникот на градската полиција, Џим Макдонел, прецизираше дека мерката не важи за жителите, бездомните, акредитирани новинари и службите за итни интервенции.
