Градоначалничката на Град Скопје, Данела Арсовска доцна вечерва пристигна пред бараките на Град Скопје, каде претходно градоначалникот на Чаир, Висар Ганиу заедно со група граѓани истурија отпад во знак на протест.
Арсовска на самото место ја праша јавноста: „Каде побегна Вики?“ — алудирајќи на градоначалникот на Чаир, со што индиректно го обвини за избегнување на одговорност и соочување со институциите.
Настанот предизвика бурни реакции на социјалните мрежи и дополнително ги заостри односите меѓу локалните власти.
