Претседателот на Стопанската комора на Северна Македонија, Бранко Азески, со тим од македонски бизнисмени денеска ќе биде домаќин на водечката германска Бизнис асоцијација фокусирана на економските односи помеѓу Германија и земјите од Источна Европа, Кавказ и Средна Азија, со 20 бизнисмени од секторите банкарство, енергетика, телекомуникации, транспорт.
Германската делегација ја предводи Кристоф Бек, член на Управниот одбор на Бизнис асоцијацијата и Јан-Аксел Вос, заменик-шеф на мисијата во амбасадата на СР Германија во државава.
– На средбата ќе се разговара за потенцијалите за соработката согласно активностите и целите на германската асоцијација насочени меѓу другото и кон поддршка на економски реформи и стабилност во земјите-партнери, лобирање за подобри економски и правни услови за бизнис, организирање на стручни конференции, бизнис форуми и сл, најави Стопанската комора.
