Во текот на 19-та недела од 2025 година, од 5 до 11 мај, во Република Македонија се пријавени 50 случаи на групни пријави за заболени од грип – заболувања слични на грипот, за 31,5 проценти помалку во споредба со претходната недела, информираат денеска од Институтот за јавно здравје.
Бројот на пријавени лица оваа недела споредено со 19-та недела од минатата сезона е за еден повеќе, а во споредба со бројот за 19-та недела од типичната епидемиска крива – моделирана од последните 14 сезони, зголемен е за 21,4 отсто.
Во сезоната 2024/2025, вкупниот број случаи на грип – заболувања слични на грипот изнесува 26.005, според податоците на Институтот.
Во споредба со истиот период од минатата сезона, бројот на пријавени случаи е зголемен за 72,1 отсто, а во однос на моделот од последните 14 сезони се регистрира зголемување од 24,1 процент.
Во досегашниот тек на сезоната на грип, регистрирани се пет починати лица асоцирани со грип.
