Русија и Украина денеска си разменија меѓусебни обвинувања за кршење на тридневниот прекин на огнот, што еднострано беше прогласен од рускиот претседател Владимир Путин.
Според податоците на украинскиот Генералштаб, во изминатите 24 часа на бојното поле имало речиси 200 судири.
Околу клучниот рударски град Покровское, во источниот регион Донецк, Украина одбила 71 руски напад, покажува најновиот извештај од теренот. Градовите во близина на линијата на борби, исто така, се гранатирани, наведува Генералштабот.
Руските власти пријавија напад со украински дрон врз регионалната администрација во Белгород.
Гувернерот Вјачеслав Гладков објави видео на Телеграм кое очигледно ги прикажува последиците од нападот.
На снимката можеа да се видат некои метални делови расфрални по земјата- веројатно остатоци од дрон, иако не е видлива поголема штета на зградите.
Во нападот немаше смртни случаи ниту повредени, рече Гладков.
Информациите за ситуацијата на линијата на фронтот не можеа независно да се потврдат.
Прекинот на огнот, за кој Путин рече дека го прогласил од хуманитарни причини, треба да завршува во сабота навечер.
Ова доаѓа во време кога Русија ја одбележува 80-годишнината од победата над нацистите во Втората светска војна со голема парада на Црвениот плоштад во Москва.
Украина тврдеше дека примирјето било само очигледно и побара негово продолжување за 30 дена.
