Украина и земјите кои ја поддржуваат утре ќе донесат одлука за создавање на специјален трибунал за судење на руските „злосторства на агресија“, изјави денеска шефицата на европската дипломатија Каја Калас во Варшава.
Оваа политичка одлука ќе биде донесена утре во Лавов, западна Украина, за време на посетата на министрите за надворешни работи на земјите членки на Европската Унија, во момент кога Русија ќе ја прославува во Москва победата над нацистичка Германија во 1945 година, посочуваат западни медиуми.
