Шест месеци по најавата, студентите сè уште немаат добиено ниту денар од најавените ваучери за електронски уреди. Иако Владата вети 250 евра за сите студенти уште во октомври 2024 година, денес сред летен семестар нема ниту датум, ниту постапка, ниту одговори.
Најавата беше јасна, ветувањето громогласно, но реализација нула. Ова е класичен пример на политичка манипулација со младите. Се чини дека ваучерите се чуваат во фиока сè до пред избори, за да се пуштат како евтин предизборен поткуп. Студентите не смеат да бидат инструмент во партиски игри. Нивната доверба не е за продажба, а нивната иднина не смее да зависи од политички калкулации.
Парите се предвидени во Буџетот, но институциите молчат, а студентите остануваат без поддршката што им беше ветена.
Црвена младина бара итна објава на рокови и постапка за доделување на ваучерите, како и вклучување на студентските претставници во целиот процес. Младите не се бројки за статистика, туку луѓе кои заслужуваат одговорна и чесна политика.
