Ќерката на Михаел Шумахер, Џина, пред неколку дена роди девојче. Како што пренесува „Билд“, бебето е родено во Швајцарија, каде Џина престојуваше последните неколку недели.Веста за раѓањето на девојчето брзо се рашири, а Џина веќе ја објави својата бременост на Инстаграм во декември со фотографија која даде индиции за полот на детето.
Семејството Шумахер се воздржува од давање дополнителни детали за раѓањето, а таквиот пристап одговара на приватноста која Шумахер отсекогаш ја ценеле, секако поради ситуацијата со Михаел. Фановите и јавноста ја почитуваат оваа желба и му честитаат на поширокото семејство.
