Премиерот Христијан Мицкоски денес се сретна со Јован Костадинов, младиот херој од Виница, кој во најкритичниот момент покажа неверојатна храброст и пожртвуваност, спасувајќи 21 живот од огнената стихија во Кочани.
„Јован, со само 19 години, направи нешто што малкумина би се осмелиле. Без размислување, влезе во запалениот објект и извлече 21 човек од сигурна смрт. Тој е симбол на човечност, одговорност и бескрајна посветеност кон другите,“ напиша Мицкоски.
Како знак на признание за неговиот извонреден чин, компанијата Алкалоид ќе му додели стипендија, поддржувајќи го неговото образование и иднина. Оваа иницијатива е доказ дека општеството ги препознава и вреднува вистинските херои меѓу нас.
„Јован е светлина во моменти на темнина. Неговото име ќе остане запишано како инспирација за сите нас – за да бидеме подобри, посилни и похрабри граѓани на нашата Македонија,“ порача премиерот.
Чинот на Јован Костадинов е доказ дека храброста нема возраст и дека вистинските херои не носат наметки, туку срце полно со човечност.
