Утре во Клубот на пратеници во Скопје, во 16.00 часот ќе биде потпишан Меморандумот за соработка помеѓу АТС ГРУП, единствената македонска компанија од одбранбената индустрија, и МКЕ, најголемата државна компанија од одбранбената индустрија на Република Турција.
На настанот ќе присуствуваат високи претставници од двете држави, меѓу кои:
• Владо Мисајловски – министер за одбрана
• Тимчо Муцунски – министер за надворешни работи и надворешна трговија
• Хеибет Муса – заменик министер за национална одбрана на Република Турција
• Илхами Келеш – генерален директор на МКЕ
• Шефшет Демировски – сопственик и CEO на АТС ГРУП
Ова партнерство е од стратешко значење за развојот на одбранбената индустрија и ќе овозможи трансфер на технологија, модернизација на производството и отворање на нови работни места, велат од АТС ГРУП
