Делата на Оливера Николова, со емоционалната длабочина и хуманост, со својата автентичност, и денес се инспирација за генерации читатели.
„Во време кога книжевноста за деца е притеснета меѓу литературата за деца и возрасни, нашата цел е да го ревитализираме овој жанр, да му дадеме простор да расцутува и да стане повторно значаен дел од современата македонска книжевна сцена“, изјави Бранка Бугариска, директорка на издаваштво во „Арс Ламина“.
Да се пишува за деца е исклучителен предизвик, кој секогаш подразбира искреност и точно се сеќавам на моите почетоци во тој жанр, вели Михајловска Георгиева.
„Му кажувам на син ми дека ќе пишувам роман за деца и тој со една реченица ме исфрустрира вели: Ако можеш да пишуваш како Оливера Николова, тогаш ок, ако не тогаш ич не почнувај. И јас и се јавив на Оливера, го кажувам ова, ѝ велам се исфрустрирав сега како ќе го почнам и таа се раскикоти, како што знаеше да се смее и ми вели блесава една никого не слушај и на никого не мисли и воопшто да не ти е гајле кој што сака од книгата. Пишувај така како што ќе ти дојде“, изјави Јагода Михајловска Георгиева, писателка и членка на жирито.
Мразам патетики и мајка ми ги мразеше и тоа сите кои беа блиски со неа го знаат, но сето ова ме трогна и би сакала да се заблагодарам, рече нејзината ќерка Јана Андреевска.
„Мајка ми многу сериозно ја сфаќаше литературата за деца. Тоа е едно, и друго многу сакаше да открива нови писатели, нови таленти и како што кажа Јагода да пишуваат, да пишуваат и да се неуморни во тоа“, изјава Јана Андреевска, ќерка на Оливера Николова.
Станува збор за конкурс кој не загрозува ниту еден постоен конкурс, вели Ќорвезироска.
„Ова е конкурс за необјавен роман кој што ќе ја збогати продукцијата во Македонија воопшто, а при тоа наградениот роман и романите кои ќе учествуваат на овој конкурс ќе имаат поширока рецепција“, вели Оливера Ќорвезироска, уредничка и писателка.
Воедно право на учество на конкурсот имаат сите полнолетни лица кои ќе пратат необјавен ракопис – роман за деца и млади, напишан на македонски јазик и со кирилско писмо.
За проследувачите на литературата за деца радува фактот се зголемува бројот на нови автори за деца, меѓутоа расте и интересот за литературата за деца без оглед дали станува збор за домашни или странски изданија.
