Откако СДСМ ја објави аферата за доделените тендери на компанијата на Клинчаров, кој е сопруг на државната секретарка во Министерството за дигитализација, анализата на профилот на Мартин Клинчаров покажува дека тој бил жесток поддржувач на политиките на ВМРО-ДПМНЕ и Христијан Мицкоски. Во неговите објави може да се види дека бил дел од партиски организирани настани во општинските организации, но и споделувал постови со поддршка за Мицкоски откако ВМРО-ДПМНЕ ја презеде власта.
По објавите на опозициската СДСМ, Стефан Андоновски не ги негираше набавките, туку рече дека со нив министерството штедело пари, а за сопругата на Клинчаров, која е државен секретар, рече дека не била вклучена во процесот на селекција за овие набавки.
Компанијата на сопругот на Гордана Клинчаров, Друштвото за производство, трговија, промет и услуги МАТЕО ДИЗАЈН ДООЕЛ, добила два тендери од министерството кое го води Андоновски. Првиот договор бил за набавка на конференциска и презентациска опрема во вредност од 2.400.000 денари, а вториот за набавка на ИТ опрема во вредност од 529.000 денари.
СДСМ денеска побара ДКСК веднаш да постапи за овој случај, каде е повеќе од јасно дека има судир на интереси и непотизам. ДКСК до овој момент сè уште не се изјасни за случајот.
Извор: Либертас
