Здружението „Хема-онко“, посветено на пациенти со рак и нивни негуватели, во пресрет на 8 март – Меѓународниот ден на жената, почнува кампања за подигнување на свеста за рак на дојка – „Дијагноза, третман, естетика“.
Кампањата почнува денеска во Прилеп, а предвидено е да продолжи во Скопје, Тетово, Гевгелија и Кавадарци.
По иницијатива на ЈЗУ УК за пластична и реконструктивна хирургија и во соработка со ЈЗУ УК за радиотерапија и онкологија, ЈЗУ УК за торакална и васкуларна хирургија и Универзитетскиот институт за радиологија, „Хема-онко“ организира едукативни трибини, каде доктори – специјалисти ќе имаат стручни презентации на темата.
Претставник од здружението ќе сподели лично искуство со дијагнозата рак на дојка, лекување и реконструкција на дојка.
