Рускиот претседател Владимир Путин изјави дека руските вооружени сили остануваат клуч за суверен развој на земјата, поради што владата планира да ги зголеми нивните капацитети.
– Денес, во услови на брзи промени во светот, нашиот стратешки курс за зајакнување и развој на вооружените сили останува непроменет. Ќе продолжиме да ги зголемуваме борбените способности на армијата и морнарицата, нивната борбена готовност како најважна компонента на безбедноста на Русија, гаранција за нејзината суверена сегашност и иднина и нејзиниот напредок – рече рускиот лидер во видео порака објавена по повод Денот на бранителот во Русија.
Тој нагласи дека Русија ќе продолжи да ги опремува своите војници со ново модерно оружје, имајќи ја предвид анализата на борбената употреба на опремата.
