Соопштение на СДСМ:
Граѓаните се соочија со суровата вистина за политиките на ВМРО-ДПМНЕ, партијата која, ветуваше промени и грижа за граѓаните а директно работи на нивно осиромашување на сметка на елитата.
Кога беа во опозиција повторуваа дека веднаш штом ќе дојдат на власт, ќе ги намалат функционерските плати. Ветуваа „скромност” и „одговорност” но, како што сведочиме денес, штом седнаа во удобните фотелји, ја сменија плочата. Наместо да ги намалат платите на функционерите, сега слушаме дека нема ниту збор за тоа – туку дека платите нема да се покачуваат, наместо да се намалуваат. Реалноста е дека и понатаму нивните плати се покачуваат додека платите на граѓаните стагнираат или се намалуваат.
ВМРО-ДПМНЕ покажува целосна незаинтересираност и неспособност да ги реши клучните прашања во економијата и стандардотна граѓаните. Минималната плата останува замрзната, без никакво покачување кое би им помогнало на најранливите категории граѓани. Просечната плата стагнира, и покрај тоа што секојдневно се зголемуваат цените на основните прехранбени производи, енергијата и горивата.
