Утрински Весник
Свет

Израелската армија издаде наредба за евакуација на Балбек

20241103130448 Big 730x400 65.webp.webp

Израелската армија денеска повика на евакуација на градот Балбек во источен Либан, предупредувајќи дека има намера да нападне цели на Хезболах таму и во соседниот град Дуриса.

„За ваша безбедност и безбедноста на членовите на вашето семејство, мора веднаш да се евакуирате од овие и од соседните згради и да останете на растојание не помало од 500 метри во следните четири часа“, објави портпаролот на израелската војска Авихај Андрае на платформата Х.

Израел ги прошири своите воздушни напади во последниве недели кон урбаните центри во Либан, како што е Балбек, каде што живеат околу 80.000 луѓе, откако најпрво ги таргетираше помалите погранични села на југот каде што дејствува Хезболах.

Повеќе од 2.100 луѓе во Либан се убиени во изминатите пет недели, а 1,2 милиони се раселени од израелските напади, велат либанските власти.

ОН соопштија дека многу луѓе принудени да избегаат од Либан, од кои голем број заминале во Сирија, ноќеска спиеле во своите возила соочувајќи се со тешки услови во потрага по безбедност, пренесоа агенциите. 

Можете да прочитате

Мал авион се урна во австриските Алпи – четири лица загинаа

Големо невреме ја погоди Турција: Авион принудно слета по удар од гром

Бројот на жртви од поплавите во Тексас се искачи на 27, меѓу кои девет деца и директорката на кампот