Две лица го загубија животот во несреќата со чамец со мигранти што во текот на ноќта се случи во морскиот дел во близина на грчкиот остров Самос, додека спасени се 22 лица, јави дописничката на МИА од Атина.
Според локалните медиуми од островот, животот го загубија еден маж и една жена, кои од засега непознати причини паднале од чамецот и се удавиле во морето, а нивните безживотни тела биле извлечени од крајбрежната служба.
