Косовската фудбалска Федерација (ФФК) најави дека ќе поднесе жалба до Европската фудбалска федерација (УЕФА) поради паролите против Косово кои се слушнаа на натпреварите од Лигата на нации меѓу Чешка – Албанија и Србија – Швајцарија.
Од ФФК изјавија дека ваквите инциденти се во целосна спротивност со вредностите што ги застапува УЕФА, а меѓународната фудбалска заедница треба да послужи како моќна платформа за промовирање на мирот, соживотот и еднаквоста меѓу федерациите.
Србија во саботата во Лесковац ја победи Швајцарија со 2:0, а во петокот во Прага репрезентацијата на Чешка со идентичен резултат ја совлада Албанија.
