Бранислав Ангеловски, тренерот на македонскиот ракометен шампион, Еурофарм Пелистер го најави мечот во Лигата на шампионите против Спортинг .
Бранко Ангеловски верува дека со поддршка од трибините ќе се покажат во одлично светло на овој меч.
„Спортинг во Лигата на шампионите импресионира со одлична, тимска игра и нивната сила не е само во браќата Коста. Играат одличен ракомет и неслучајно имаат три победи во Лигата на шампионите и така лесно го демолира Веспрем.
Сепак, ова е нов натпревар, играме пред нашите гледачи, а битолската публика знае да препознае квалитет.
Верувам дека со наша добра игра, публиката ќе ни помогне да се претставиме во одлично светло и да извојуваме победа против разигран противник.
Можеби Спортинг не доаѓа од некоја најракометна земја како Данска, Германија, Франција но Португалија во последно време и на репрезентативно и на клупско ниво напредува. Се надевам на наше одлично издание – изјави Ангеловски.
